و إستر يا ستار

Publié le par kurt cobain

و إستر يا ستـــــــــار


1-   الوسط التونسية جريدة قمقومة و بدات تعطي في الزّبدة. بصراحة الأقلام الكل طيارات و ناس عندها ما إتقول في الحكاية متع الضحافة...الجريدة هذه باش غكون عندها مستقبل كبير و كبير ياسر. و الله تقرى لسي الطاهر العبيدي إتشيخ تعتدى إتوف نص أخر تلقاه إعشق...بصراحة يعطيكم الصحة و ....لكن ...!!!! موش طلب و إلا حاجة و إلا يمشي في بالكم ألي قاسم إيحب ينشر على جريدتكم ..لا يا بابا ...ما عنديش المستوى متع الجريدة متاعكم و لكن كقارئ ...لازمكم باش باش تسمعوني ...الون الي إخطارتوه ..وجعني في عيوني ...و بصراحة ما إنحباش ...و العاقل يفهم. يا خي إنحب نفهم علاش إخطرتوه ...؟ و أنا نعرف الي الصحافين ..في كل كلمة و في جملو و في لون عندهم مقصد....صراحة مقصدكم ما إفهمتوش؟ وضحونا تعملو مزية.

2-   باهي ...يا سي المدير ...أش عملنا توه في حكاية قصر قرطاج ؟ كانك باش إتبيع شاورني ...تعمل مزية على الجمهورية ..ماك عارف قاعد كي حال جديد و ما عنديش وين إنكنبن ...قلت الماء الي ماشي للزتزنة قاسم أولى بيه ...صحبح و إلا لا؟ يا كورتي ...إشنوه الناس الكلها كوّنت !!!!إلا أنا و إياك قعدنا على بره! ثم جماعة كوّنت من المعارضة و الجماعة الي غوصت بالحق راهم جماعة الحزب ...و العائلة المالكة...البلاد الكل إتكتبت بأساميهم !!! و القسمة إتقسمت و العواد في الدقيق لحرش....هذا أخر خبر جاني مضمون الوصول البارح قبل نص الليل...إنعم واحد من العائلة الشريفة إتبع في قاسم على الآنترنات ..كان إمقدملي روحو على إنو مدير كبير في الدولة ...وقت الي الجمهورية متع قاسم بدات إتمس في اللّحم الحي قالي إسمع ...البلاد بلادنا و الحكومة حكومتنا ويا قاسم كي نقتلو شطر التوانسة الحكومة تقعد في إيدينا و وفي حومتنا.  من الحي متاعنا ما تخرجشّ...قالي باهيشي إنسلموها للهجوج و المجوج؟ هنا فهمت الي البلاد: الجماعة حاسبتها بقرة يحلبو فيها ليل نهار ...ليل ولى الضرع متاعها إهبط في الّدم حشاك ...يا أخي معمل الحليب  عند شكون طاح ...قالو من الطرابلسية ما خرجش ؟ و إتقولو أشبيه الحليب غالي و مفقود ديمة؟  أيه يا سي المدير قلت إرّجع عليه بلّي نقدر و كما تعرف ماهو قاسم كلمتو ما إرجعهاش إلتالي و ألي في القلب على بره. هذا نص الرسالة الي بعثتها للجرثومة المتخلفة الي قاعدة تاكل في الغلة و إتسب في الملّة: يا سيدي كولو و أحلبو و إفكو الأراضي من الناس و كونو و إبنو الديار و الوتلاوى و زيدو إشرو الزيتون على الفقراء الكل ...أنا قاسم إنحبكم تشبعو ...ليل إتموتو بالتخمة ...يا سي المدير البلاد ما هيش متاعك و ما هيش ورثة متع السيد الوالد .... إتجيب معاك فرانسا و إلا أمريكا قلوبنا ماكش باش تدخلها ...وتقعد طول عمرك خايف ...أتموت خايف ...و إتموت بين القمامة ...معناتها زبلة... وباش تعرف  الحجم متاعك يبقى قزم لا أكثر و لا اقل ...و التجمع متاعكم حزب مترّكب من الجّواعة الكل و لا واحد تونسي إدخل في الحزب هذاك كان باش إينافق و ياكل حويجة و ثم جماعة منكم تتغسل ببول البقرة يا إمسخين؟ التجمع عمرو ما كان حزب بل مافيا و حتى التنظيم ما هيش إمنظمة ...و اليوم جاء الوقت متاعكم ...جات النهاية ...إتحضرو في بن علي جديد و إلا لا؟ الشعب التونسي لا يلدغ من جحلر مرّتبن ...معناتها شبعة نوفمبر جديدة ما هيش باش تتعدى و يا ويلو الي باش إيقول أنا وليت رئيس و جيت باش ننقذ البلاد....قاسم محظرلو الفيلم متاعو في النها الأول....تتفاهمو ما تتفاهموش الّوغة هذه ما عاش تاكل لا مع قاسم و لا مع كورتي ...على روسنا ما ثماش مفاهمة ..بالعربي ما تنتظرو حتى شيئ  كان العصى ....الي في راس قاسم يا سي المدير هو إنك لازمك تتعدى على المحكمة و إترجعو الفلوس الي هازتوها من البنوك ...المحاسبة باش إتكون علنية و ما ني إمسلم في حتى فرنك متع الشعب التونسي ...المعارضة الي حابة إطفي الظوء و إتسهللكم في الفصعة ...أنا ما نيش معاها ...أفهم ....الفلوس قبل كل شيئ و من بعد إنشوفو داش من عام حبس في رجيم معتوق....مصالحة لا ؟ الخلاص بالحاضر ...و إسمع ...إنحب الكشف المدقق على كل الحسابات الي عندكم في تونس و في الخارج ...إتحطو الفلوس في القباضة المالية و من بعد توه إنشوف كيفاش إنحولوكم في حبس قريب من الشط.

يا قاتل الرّوح ما عندك وين إتروح ...و حتى بعد ماية سنة جمهورية قاسم باش إتحاكم بالواحد بالواحد ؟ من ستة وخمسين حتى لعام ثلاث ألاف؟ تبداش في القبر متاعك قاسم باش غطاب بالمحاكمة متاعك ...و البوليس الي معاك و الحرس و الجيش الي قتلو و ألي عذبو الناس و ألي خطفو الرجال من الشوارع و من الديار متاعها ...الكل باش تتحاكمو ؟ معناتها بالعربي السلاح الي في إيديكم اليوم راهو ماهوش الملك متاعكم ..السلاح الي إتشوفو فيه هذاك ملك الشعب التونسي و ما عندكمش الحق باش تطلقو منو و لو رصاصة في وجه الشعب التونسي ...الي عملها راهو باش يتحاسب أما أجلا و أما عاجلا...ما لى يا بوليس و يا حرس و جيش رد بالك و تطلق النار على عصفور من عصافير الحرية ؟ أنا قاسم قتلك رد بالك و كان حب ربي و طحت بين يدي راني ما نرحمكش ...يا بوليسي ما إسدش عليك الحزب و الأوامر متع المافيا ...لأنو باش يطبق عليك قانون أخر قانون جمهورية قاسم الي إنت ما تعرفاش!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

يا سي كورتي أش عملنا في الكرية ؟ في بالك توه الي ثمة زوز مافيات في البلاد : مافية الطرابلسية و مافية ين علي و المافية الكبيرة منقسمة على زوز بين هذا و بين هاذا ...الأستراتجية متع جمهورية قاسم صدقت ألا و هي تشجيع وحدة من المافيات على الخرى باش يتقسم ظهر التجمع ...الحل هاذك هو الصحيح ...بالضبط كما صار للنهضة ...إتقسمت ...إصلّحب ...التجمع يتقسم يعدو جملة و تفصيل و يتخلص الشعب التونسي من أكبر عثرة و من اكبر حاجز مانوعو باش يصنع الديمقراطية متاعو ...هاني باش إنحرك حاجة !!!!! أش قولك في سليم شبوب رئيس دولة ...الراجل عندو فلوس و عندو تجربة مع الترجي و خذى حتى كأس أفريقيا ...إنشعل النار ...و إلا إنزيد في التحليل ...سليم ما زال صغير ...و الفلوس متاعو ما هم كيف كيف جاو من حليب البقرة ..و لكن الفلوس هذه قادرة تصنع الزبدة ...الراجل يحكو عليه رجولي ...و قادر إكسر الحزب الخارب هاذا ؟ ما إيهمناش فيه هو كان شخصية الي حاجتي بيه هو الي الراجل هاذا جاي من الشمال و في بالك الي الشمال و الساحل عمرهم ما إتفاهمو ...و لذلك الحزب أوتومتكم باش يتقسم على عشرة ...في الوقت هاذاك قادرين باش نلتهو بسليم شبوب و إنعلموه كيفاش يقعد على البنك ...السياسة إتكنبين ...إقضي حاجتك ...من أجل مصلحة الشعب التونسي ...المعرضة يا صحوبة ....باش إمقصوها الجماعة هاذم كان ما إتفيقش على روحها و تدخل في المعمعة باش إتغلب الضغيف على القوي ...باش الزوز يضعافو.....الحاج بورقيبة خرجوه في كوش ..و قاسم قادر إلبس القرد كبوس !!!!!!!!!!في نفس الوقت الفلام ديمى تمشي و العصافر باش نصنعاها كل يوم ....و نهار الي باش تخرج لا تخلى لا الكبوس و الطاقية .............أفهم التكنبين و إتعلم السيكسكو.

هنا قاسم من السيليكون فالي

Publié dans tunisie

Pour être informé des derniers articles, inscrivez vous :

Commenter cet article