زبعلية و الفتاوي العصري
زبعلية و الفتاوي العصرية
الشنفرة شاد سيفوا
مسيكم بالخير يا أهل الخير و ليلتكم زينة و رحمة الله و بركاته
نستمحكم لحظة قبل ما ندخل في الموضوع ,حتى نفهمكم
العنوان , كيما تعرفو باللي الزوااااا *زهير اليحياوي*الله يرحمو
هو اللي طلع بمصطلح*الزعبع* و العبد الضعيف الي طلع
زابا زابا رئيس العصابة واليوم باش نضيفلو لقب جديد وهو
زبعلية ,ربما تقولو اش تقصد لحقيقة انو في ها العالم صارت
فيه كثير من الثورات و اخرها ثورة الزاباتيست في جنوب امريكا
و الزاباتيرو في السبانيور,و سي زابا زابا قال هاذوما ما
همشي خير مني ,حتى انا باش نعمل ثورة ,لكن هذي ثورة
بالمقلوب,ثورة ضد الدين ثورة ضد الفضيلة ثورة ضد العدل ثورة
الحق ثورة ضد المعلومات,المهم خلي يقولو ثورة و هاكا هو
. فقررت باش نسميه زبعلية صاحب الثورة العصرية
,المهم نرجعو للموضوع ما تعرفوش يا جماعة قداش امي
دوجة ركبها السكر و طلعلها غلظ الدم كيف قرالها و لد أختي
جريدة الصباح كيفاش أكا الممسوخ متع إلي حاسب روحو
وزير الشؤون الدينية يحكي على الدين وهو يبات يشرب في
الوسكي للصباح وظاهر فيها جريدة الصباح قومتو من النوم
و الراجل ما زال مثمول يعفى علينا و عليكم ربي ,وهذي أخر
طلعة قلو الحجاب لباس طائفي يسخايلنا نعيشو في لبنان ولا
في الهوتو و التوتسي ,بالله ما يعرفشي الي في تونس كل
بلاد عندها لباسها التقليدي من البلوزة للحايك للملية للحرام
وكل بلاد و زينتها و كل بلاد و رطالها وكلها لبسة مستورة
و امي دوجة كان تعطيها كنوز الدنيا ما تبدل السفساري
و كيما يقول سيدي المدب الله يرحمو كل لبسة تستر لبدن هي
لباس الدين والحشمة ,يظهرلي هل مثمول كان يفيق من
السكرة لما يكتشف إلي يقولو عليه الحجاب أرحم و أخف
و يوحد الناس الكل ويساعد على حركة المرور و التنقل
أما بالنسبة للكتاب الله يهلكو قداش يكذب في عام 2001
زبعلية سكر 15000 كتاب ,قالك حقه حقه باش يخدمو الروضةو
المروظين,حتى من لوليدات الصغار خايف منهم يسخايلهم
صيودة يحب يروضهم, وزيد التلفزة التونسية,أش من دين تقدم
للشباب السناب و الراب و المزود خدام وحتى من امي دوجة
كيف نغلط نحط تونس تقلي سكر اعلية أكا مكبوبة السعد
و لا حطلي الجزيرة راهي حيرتنا يا عتيها حيرة وشعلت فينا
النار و حلتلتنا عينينا قبل و قتنا ,اما المصاريف متع الجوامع
هذي قالتلهم بف و يزي من الهف ,اخي ما زالت مدبية في
تونس , هاو العمدة و المعتمد و البرقادي و رئيس مركز
كيف يحيلوه على التقاعد يعتوه جامع يعمل فيه مدب
و يبدى كيف الطبل يضرب من جيهتين و يخدم خدمتين
و يصور شهريتين أما المدبية متع الصح هاو كان يلقى
ينفيهم كيما نفى عبدالله الزواري الله يرجعو سالم غانم لعايلتو
يا سيدي ثم مدب تبركالله عليه الجامع إلي يشدوا يتعبى
بالشباب وهوما كل مرة منقلينو لبلاد ما زال كان رجيم معتوق
ما بعثوهش ليها , و أخر طلعة ليلة الحجامة عملت أجنس
فوياج متع الحج تحب ادبر راسها و تقلب لعباد في حق
العلوش قالت لسي المثمول متع الشعائر الزعبلية قوللهم
حكاية الهدي ماهيش من الدين و ما ثماثش منها...والله
ما يحشمو على رواحهم هل قطعية.....
الشنفرة شاد سيفوا
tunisie source www.tunezine.com
الشنفرة شاد سيفوا
مسيكم بالخير يا أهل الخير و ليلتكم زينة و رحمة الله و بركاته
نستمحكم لحظة قبل ما ندخل في الموضوع ,حتى نفهمكم
العنوان , كيما تعرفو باللي الزوااااا *زهير اليحياوي*الله يرحمو
هو اللي طلع بمصطلح*الزعبع* و العبد الضعيف الي طلع
زابا زابا رئيس العصابة واليوم باش نضيفلو لقب جديد وهو
زبعلية ,ربما تقولو اش تقصد لحقيقة انو في ها العالم صارت
فيه كثير من الثورات و اخرها ثورة الزاباتيست في جنوب امريكا
و الزاباتيرو في السبانيور,و سي زابا زابا قال هاذوما ما
همشي خير مني ,حتى انا باش نعمل ثورة ,لكن هذي ثورة
بالمقلوب,ثورة ضد الدين ثورة ضد الفضيلة ثورة ضد العدل ثورة
الحق ثورة ضد المعلومات,المهم خلي يقولو ثورة و هاكا هو
. فقررت باش نسميه زبعلية صاحب الثورة العصرية
,المهم نرجعو للموضوع ما تعرفوش يا جماعة قداش امي
دوجة ركبها السكر و طلعلها غلظ الدم كيف قرالها و لد أختي
جريدة الصباح كيفاش أكا الممسوخ متع إلي حاسب روحو
وزير الشؤون الدينية يحكي على الدين وهو يبات يشرب في
الوسكي للصباح وظاهر فيها جريدة الصباح قومتو من النوم
و الراجل ما زال مثمول يعفى علينا و عليكم ربي ,وهذي أخر
طلعة قلو الحجاب لباس طائفي يسخايلنا نعيشو في لبنان ولا
في الهوتو و التوتسي ,بالله ما يعرفشي الي في تونس كل
بلاد عندها لباسها التقليدي من البلوزة للحايك للملية للحرام
وكل بلاد و زينتها و كل بلاد و رطالها وكلها لبسة مستورة
و امي دوجة كان تعطيها كنوز الدنيا ما تبدل السفساري
و كيما يقول سيدي المدب الله يرحمو كل لبسة تستر لبدن هي
لباس الدين والحشمة ,يظهرلي هل مثمول كان يفيق من
السكرة لما يكتشف إلي يقولو عليه الحجاب أرحم و أخف
و يوحد الناس الكل ويساعد على حركة المرور و التنقل
أما بالنسبة للكتاب الله يهلكو قداش يكذب في عام 2001
زبعلية سكر 15000 كتاب ,قالك حقه حقه باش يخدمو الروضةو
المروظين,حتى من لوليدات الصغار خايف منهم يسخايلهم
صيودة يحب يروضهم, وزيد التلفزة التونسية,أش من دين تقدم
للشباب السناب و الراب و المزود خدام وحتى من امي دوجة
كيف نغلط نحط تونس تقلي سكر اعلية أكا مكبوبة السعد
و لا حطلي الجزيرة راهي حيرتنا يا عتيها حيرة وشعلت فينا
النار و حلتلتنا عينينا قبل و قتنا ,اما المصاريف متع الجوامع
هذي قالتلهم بف و يزي من الهف ,اخي ما زالت مدبية في
تونس , هاو العمدة و المعتمد و البرقادي و رئيس مركز
كيف يحيلوه على التقاعد يعتوه جامع يعمل فيه مدب
و يبدى كيف الطبل يضرب من جيهتين و يخدم خدمتين
و يصور شهريتين أما المدبية متع الصح هاو كان يلقى
ينفيهم كيما نفى عبدالله الزواري الله يرجعو سالم غانم لعايلتو
يا سيدي ثم مدب تبركالله عليه الجامع إلي يشدوا يتعبى
بالشباب وهوما كل مرة منقلينو لبلاد ما زال كان رجيم معتوق
ما بعثوهش ليها , و أخر طلعة ليلة الحجامة عملت أجنس
فوياج متع الحج تحب ادبر راسها و تقلب لعباد في حق
العلوش قالت لسي المثمول متع الشعائر الزعبلية قوللهم
حكاية الهدي ماهيش من الدين و ما ثماثش منها...والله
ما يحشمو على رواحهم هل قطعية.....
الشنفرة شاد سيفوا
tunisie source www.tunezine.com